Тэрмін выдання - верасень.
Зборнік з'яўляецца выданнем, якое характарызуе сацыяльна-эканамічнае развіццё рэгіёнаў рэспублікі: абласцей, раёнаў і асобных гарадоў у дынаміцы за шэраг гадоў.
Зборнік «Рэгіёны Рэспублікі Беларусь» выпускаецца ў двух тамах.
У першым томе выдання – «Рэгіёны Рэспублікі Беларусь. Сацыяльна-эканамічныя паказчыкі» змяшчаюцца статыстычныя даныя ў разрэзе абласцей, гарадоў абласнога падпарадкавання і раёнаў аб дэмаграфiчнай i экалагiчнай сiтуацыi, працоўных рэсурсах і занятасці, узроўні жыцця насельніцтва і сацыяльнай сферы.
У зборніку прыводзіцца агульная характарыстыка прадпрыемстваў і арганізацый абласцей і г.Мінска па відах эканамічнай дзейнасці, арганізацыйна-прававых формах і формах уласнасці. Асобным падраздзелам прадстаўлена інфармацыя аб дзейнасці суб'ектаў малога і сярэдняга прадпрымальніцтва.
Публікуюцца даныя аб вытворчасці і дынаміцы валавога рэгіянальнага прадукту. Рэальны сектар прадстаўлены статыстыкай па асобных відах эканамічнай дзейнасці – прамысловасці, сельскай і лясной гаспадарцы, будаўніцтву, гандлю. Прыводзіцца інфармацыя аб навуковай і інавацыйнай дзейнасці.
У зборнік уключаны даныя аб фінансавым стане і асноўных сродках арганізацый, знешнім гандлі таварамі і паслугамі, звесткі аб інвестыцыях у асноўны капітал і замежных інвестыцыях. Публікуецца інфармацыя пра індэксы цэн (тарыфаў) на тавары і паслугі, даныя аб выкарыстанні інфармацыйна-камунікацыйных тэхналогій.
Выданне ілюстравана графікамі і дыяграмамі, змяшчае картаграфічны матэрыял, метадалагічныя тлумачэнні.
Другі том публікацыі «Рэгіёны Рэспублікі Беларусь. Асноўныя сацыяльна-эканамічныя паказчыкі абласцей, гарадоў і раёнаў» змяшчае статыстыку па абласцях, г.Мiнску, гарадам абласнога падпарадкавання і раёнах за 2024 год у параўнанні з папярэднімі гадамі.
Па кожным рэгіёне прыведзена інфармацыя аб насельнiцтве, узроўні беспрацоўя, заработнай плаце, сацыяльнай сферы, аб’ёме прамысловай вытворчасці, развіцці сельскай гаспадаркі, інвестыцыях у асноўны капітал і замежных інвестыцыях, будаўніцтве, тавараабароце, асноўных фінансавых паказчыках дзейнасці арганізацый і інш.
© Нацыянальны статыстычны камітэт Рэспублікі Беларусь. Пры выкарыстанні інфармацыі спасылка на Нацыянальны статыстычны камітэт Рэспублікі Беларусь з'яўляецца абавязковай.
